Komisioni Zgjedhor i Nigerisë anuloi zgjedhjet presidenciale dhe parlamentare për 7 ditë, duke theksuar si shkak problemet logjistike dhe operacionale, transmeton Anadolu Agency (AA).

Vendimi erdh pas takimit të anëtarëve të kreut të Komisionit të Pavarur Kombëtar të Zgjedhjeve, i cili u mbajt pas raportit se mungojnë materialet zgjedhore në shumë shtete.

Zgjedhjet presidenciale dhe parlamentare duhej të mbaheshin sot. Zgjedhjet për guvernatorët dhe asambletë shtetërore u planifikuan për 2 mars, por edhe mbajtja e tyre është prolonguar në 7 ditë.

“Pas shqyrtimit me kujdes të zbatimit të planit logjistik dhe operativ si dhe vendosmërisë për të mbajtur zgjedhje të lira, të ndershme dhe të besueshme, komisioni arriti në përfundimin se vazhdimi i procesit zgjedhor sipas planit nuk është më i realizueshëm”, thuhet në kumtesën e INEC të lëshuar sot në mëngjes.

Më tej thuhet se ky ishte një vendim i vështirë, por se ishte i domosdoshëm për zhvillimin e suksesshëm të zgjedhjeve dhe konsolidimin e demokracisë në Nigeri.